195
Samentara itoe Clotilde soeda djadi sabar poela dan satoe poetoesan. la bertindak setapak ka djendela soepaja bisa minta toeloeng.
„Kaloe kaoe bertreak kaoe poenja anak mati," Vieuxtemps berbisik sambil hampirken padanja.
„Allah toeloenglah akoe," kata Clotilde. „Apa akoe moesti bikin?"
„Kaoe boleh pilih,“ djawab itoe bangsat. „Kaloe kaoe serahken akoe pada politie, kaoe tida aken ketemoe lagi itoe anak. Akoe soempa kaoe tida aken dapet kombali itoe anak dan kaoe kenal bagimana adanja akoe"
Clotilde diam boeat pasang koepingnja.
Vieuxtemps, jang teroes mengintip, perhatiken sasoeatoe soeara.
Pintoe di djalanan diboeka.
Apa politie menjerang masoek?
Tapi orang tida denger tindakan di pertengaan roemah.
„Kaloe kaoe bersoeara, kaoe poenja anak djadi mait," Vieuxtemps menggrendeng dari podjokan jang gelap dari itoe kamar.
Ia aken lakoeken antjemannja. Clotilde kenal dia sampe baek dan ketakoetan boeat anaknja menoetoep ia poenja moeloet .....
Pintoe pintoe diboeka dan dikoentji. Orang masi denger boeninja, tindakan di pertengaan roemah. Politie soeda dateng poela di depan pintoe dan moelai kasi denger tanda lagi.
Apa marika aken dapet tangkep itoe djahanam?
Apa marika pertjaja itoe bangsat ada dalem itoe
