197
Kemoedian dalem itoe kamar terdjadi pemboeroean jang rame.
Vieuxtemps, jang liat ia soeda kedapetan, berdaja sabisanja aken lari kloear.
„Kaoe menjerah!“ kata itoe kolonel dengen soeara keras dan sambil angkat ia poenja revolver. „Akoe boenoeh kaoe seperti saekor andjing, kaloe kaoe tida menjerak, Johan Goud atawa Alfred Vieuxtemps."
Sasaat lamanja Vieuxtemps merasa keder lantaran denger itoe antjeman. Itoe saat digoenaken oleh agent agent politie boeat tangkep padanja. Dengen moeka poetjet lantaran marah itoe bangsat menjerah.
„Bawa pergi!" Rogers prentah.
Koetika itoe Clotilde hampirken pada itoe kolonel.
„Kolonel!" katanja dengen soeara goemetar; „ia telah antjem akoe aken boenoeh Emma. Emma ada dalem kakoeasaannja. Dan ia tida bilang di mana ia semboeniken anakkoe."
„ltoe tida bisa djadi!“ djawab Rogers dengen soeara bengis, jang Clotilde tida biasa denger dari moeloetnja.
„Bagimana ini pendjahat telah dateng dalem ini roemah? Bagimana ia bisa taoe, bahoea kaoe berdiam di sini dan kenapa kaoe semboeniken dia?“
„Akoe tida taoe bagimana ia dateng di sini, kolonel, dan akoe tida semboeniken dia. la mengantjem aken boenoeh anakkoe, kaloe akoe bertreak minta toeloeng.“
„Dan kaoe bilang, kaoe pertjaja padanja, njonja Vieuxtemps? Apa kaoe taoe betoel bahoea saorang prempoean jang telah bawa lari kaoe poenja anak?"
„Ia, ini prempoean ada ia poenja kawan. la tjeritaken anak padakoe, bahoea itoe prempoean telah serahken anak padanja."
Rogers roepanja tida bisa boeang itoe toedoehan,
