Halaman ini tervalidasi
200
pengidoepan jang sengsara dari anaknja. Ia poenja hati djadi dapet kebranian aken berdaja sabisanja boeat lepasken anaknja dari itoe nasib, maskipoen ia moesti tjari padanjasampe di achirnja doenia.
Ini poetoesan ia soeda ambil selama itoe malem jang ia tida bisa tidoer barang sakediap mata.
Temponja boeat djalanken itoe maksoed soeda dateng.
Ia merasa sedikit senang tatkala ia doedoek di depan medja boeat menoelis soerat di bawah ini pada Rogers:
- Akoe brangkat, toean Rogers, sebab akoe merasa, bahoea, kendati akoe sanget tjinta, kendati akoe bertrima kasi pada kaoe, toch akoe tida bisa bikin kaoe djadi beroentoeng. Akoe aken moehoenken pada Allah soepaja ia kasi pada kaoe kebroentoengan jang kaoe haroes dapet. Kerna itoe akoe aken tida iket dirikoe sama kaoe. Akoe kombaliken kaoe poenja djandji jang kaoe soeda kasi padakoe. Akoe brangkat dan selamanja kaoe tida aken ketemoeken akoe poela. Tapi akoe tida maoe, kaoe pandang akoe sebagi satoe prempoean jang tida mempoenjai kahormatan dan pada ini djam, dalem mana akoe oetjapken slamat tinggal pada kaoe boeat selama lamanja, akoe bersoempah, bahoea akoe belon perna berlakoe sahingga akoe tida patoet dapet kaoe poenja tjinta, bahoea akoe belon perna sekongkol dengen ini djahanam, jang kaoe telah ketemoeken di sini, bahoea akoe tida semboeniken dia dan bahoea akoe tjoema diam, dari sebab ia antjem aken boenoeh anakkoe.
- Dan sekarang, sasoeda akoe tjeritaken perasaan-
