201
koe, sasoeda akoe oendjoeken, bahoea akoe boekan saorang jang koerang trima dan bahoea akoe tida maoe hoeboengken kaoe poenja nasib sama akoe poenja nasib jang tida lebih dari satoe roentoenan dari perklaian dan kasengsaraan, sasoeda itoe akoe brangkat. . .
Moedahan kaoe selama lamanja ada beroentoeng, kaoe, jang akoe selamanja tida aken loepaken, kaoe, jang akoe telah tjinta sanget. Idoeplah selaloe dengei beroentoeng dau dengen santosa. Moedahan Allah kasi pada kaoe segala kebroentoengan, jang dimintaken boeat kaoe oleh Clotilde Vieuxtemps jang tjilaka dan bestrima kasi pada kaoe.
Ia bangoen dari krosinja sainbil taro itoe soerat atas medja.
Ia pasang koepingnja sabentar.
Dalem roemah ada sepi sekali.
Ia pergi ka pintoe dan boeka itoe dengen pelahan.
Rogers tida denger dan djoega tida kilatan.
Clotilde kloear dari itoe roemah Sekarang ia saorang diri poeia tida mempoenjai tempat tinggal.
Tapi ia poenja hati dibikin besar oleh katjintaan pada ia poenja anak.
Brangkali Marie bisa biiang, siapa adanja itoe prenmpoean pake koedoeng biroe, jang pastilah soeda lama ada berhoeboeng rapet sama Alfred. Laen dari itoe, Clotilde poen wadjib djoega kasi katerangan satjoekoepnia pada Marie. Demikianlah ia lantas pergi ka roomahnja itoe poetri trillionnair.
Dan kaloe Marie tida kenal itoe prempoean asing?. . .
Clotilde sampe di roemahnja Goud, dimana ia soeda mengalami tempo jang begitoe ngeri, di mana ia soeda
