202
denger segala keboesoekan dari Alfred Vieuxtemps.
Salah satoe Doedjang tentoe baroesan kloear, sebab pintoe terboeka.
Zonder boeniken lontjeng, Clotilde teroes masoek dan naek di tangga. la berada di depan pintoe kamarnja Marie dengen tida ada ketemoeken barang satoe orang. Ia ketok. Orang kasi djawaban: „Masoek!" Clotilde boeka itoe pintoe.
Marie doedoek di depan ia poenja medja, toelis. Ia bangoen dan berdiri berdepan dengen ia poenja prempoean pengawal doeloe.
Sorot bentji kliatan dalem matanja dan ia poenja moeka djadi poetjet lantaran marah.
„Kaoe brani dateng dalem ini roemah?" katanja dengen soeara goemetar. „Kaoe brani mengindjek ini roemah?“
Dengen maloe dan gemetar Clotilde mendjawab:
„Njonja, adalah soearanja akoe poenja hati, jang menjoeroeng akoe pergi pada satoe kawan jang tjilaka...."
„Ha, ha, ha, kaoe sembabat betoel dengen dia," kata Marie dengen ketawa menghina. „Akoe soeda taoe ini penipoean."
Clotilde djadi kagoem dan ampir tida bisa pertjaja koepingnja.
„Adalah satoe persekoetoean dari machloek machloek jang tida mempoenjai kasian, dari siapa akoe soeda djadi korban,“ kata Marie lagi dengen amat moerka.
„Kaoe djadi kawan sekoetoenja itoe pemboenoeh Dan kaoe masih brani dateng padakoe.....“
„Njonja, segala apa jang kaoe salahken padakoe, ada kliroe dan tida mengena padakoe, “ djawab Clotilde jang soeda dapet kombali kesabarannja. „Segala kaoe poenja toedoehan tida mempoenjai alesan. Semoea
