203
toedoehan itoe tida lebih dari kosong. Kaoe soeda ditipoe, sama djoega seperti akoe“.
„Kenapa kaoe telah bekerdja sama akoe?“
„Akoe dapet ketahoei Alfred tinggal di sini.“
„Dan kaoe maoe lada di deketnja soepaja dengen lebih gampang kaoe berdoea melakoeken kaoe poenja perboeatan perböeatan bangsat?“
„Ini ada satoe doegaan hina dan kliroe sekali. Akoe ada mempoenjai hak lebih banjak dari laen orang atas Alfred.“
„Akoe soeka kasiken itoe hak pada kaoe.“
„Akoe doeloenja harep bisa pimpin soeamikoe jang tersesat, pada perasaan perasaan jang lebih baek. Akoe doeloenja harep aken bisa peringetken ia pada ia poenja kewadjiban kewadjiban, aken bisa paksa ia boeat pilih antara. . . . .“
„Djangan bitjara lagi..... Apa kaoe maoe dateng di sini ?“
„Jalah kainginan boeat dapetken kombali akoe poenja anak, jang bikin akoe pergi kemari, njonja. Saorang prempoean jang pake koedoeng biroe telah rampas anakkoe dan akoe dapet denger, ini prempoean ada berhoeboeng rapet sama Alfred. . . . .“
„Ha! ha! Ini kombali ada satoe komedi baroe. Kaoe tida doega, bahoea akoe lebih doeloe soeda taoe permaenan jang kaoe maenken. . . . . ltoe njonja jang pake koedoeng biroe, sasoenggoehnja. . . . .“
Ketawa jang terpaksa dari itoe njonja jang goesar, dari siapa Clotilde harep aken bisa dapet pertoeloengan, menoesoek sanget hatinja Clotilde.
„Akoe kira, kaoe brangkali kenal ini prempoean,“ ia bitjara teroes.
„Ja... akoe kenal. Akoe kenal ini prempoean, jang
