205
jang soeda menimpah selama akoe idoep. Djangan lagi dateng sama akoe selama lamanja djangan lagi . . . . .“
Marie tida bisa bitjara lagi. Mendadak ia djadi menangis. Seloeroeh toeboehnja moelai goemetar lantaran goegoepnja. la djatohken dirinja atas satoe divan.
Kendati Marie perlakoeken ia dengen tida adil dan dengen kedjam, kendati ia poenja hati merasa sakit lantaran itoe perlakoean dari Marie, toch Clotilde merasa begitoe kesian sama itoe poetri radja oewang, hingga ia loepaken senioea kagoesarannja dan dengen soeara aloes bitjara padanja:
„Njonja, kita tjilaka, kita doea doea tjilaka kerna satoe roepa sebab. Tapi akoe disiksa dengen lebih kedjam lagi dari kaoe, sebab akoe soeda kailangan semoea, sampepoen anakkoe ilang Boeat dapetken itoe anak maka akoe dateng pada kaoe. Akoe dateng pada kaoe dengen pikiran jang poetih bersih, sebab akoe tida bersalah. Akoe mengarti sekarang, bahoea kaoe tida kenal itoe prempoean jang berhoeboeng dengen Alfred Vieuxemps, sebab kaoe kira akoe adanja itoe prempoean. Djadi di sini akoe tida aken dapet toer djangan. Baeklah, akoe aken tjari anakkoe zonder penoendjoek djalan, selaennja katjintaankoe dan nasib jang baek. Moedahan Allah menoeloeng pada kaoe. Itoe kedjahatan, jang kaoe lakoeken padakoe, akoe maafken Kaoe ada saorang prempoean tjilaka dan kena ditipoe, sama sadja seperti akoe“
Tapi Marie tida dengerken itoe perkataan perkataan, hanja teroes menangis atas itoe divan.
Clotilde berlaloe dari sitoe dengen kamenesalan baroe . . . . .
Sekarang ia djadi saorang diri sadja dalem doenia.
