207
XXV.
KARIBOETAN DALEM PRAOE GETEK.
Kita moesti kombali pada kemaren malem boeat ketahoei, apakah Marie soeda dapet katerangan betoel tatkala ia jeritaken pada Clotilde, bahoea Vieuxtemps soeda terlepas dari ia poenja pendjaga pendjaga.
Itoe tiga agent politie baroe sadja sampe di djalanan, dimana orang moelai pasang lampoe lampoe, tatkala marika borgol tangannja itoe orang angkepan, soepaja ia djangan menjoesahken pada marika
Vieuxemps djadi sanget moerka. Tapi, apa ia bisa bikin tentang tiga agent politie? Kaloe ta poenja tangan tida diborgol, ia bisa menoenggoe tempo boeat djotos denger mendadak salah satoe agent itoe, banting jang kadoea dan boenoeh jang katiga atawa bikin remoek tangannja dengen roejoeng ketjil jang ada dalem kantongnja.
Tapi sekarang ia tida bisa tjoba barang sedikit boeat dapetken kombali ia poenja kamerdikaan. Itoe agent agent seret ia di sepandjang djalan, di tengah orang orang jang liwat, jang mengawasi pada itoe pertoendjoekan. Itoe orang orang politie meliwatin goedang goedang tempat simpen areng batoe. Sasampenja di ini tempat, maranja Vieuxemps djadi menjala Loear biasa.
Ia kenal betoel ini wij. Tida djaoe dari sitoe ada djalan jang pergi ka tempatnja praoe praoe getek. Pastilah itoe agent agent aken naek praoe boeat kombali ka New York.
Koeli koeli areng baroe poelang dari kerdjanja. Bebrapa antaranja pergi ka praoe terseboet boeat pergi
