208
ka wijk wijk jang sedikit djaoe. Antara itoe koeli koeli dan orang politie tida ada sympathie barang sedikit. Sebaliknja, seringkali ada pertjidraan antara itoe doea kaoem, lantaran politie moesti pegang tetap kaamanan, kaloe ada kariboetan kariboetan.
Tatkala itoe agent agent bersama marika poenja orang tangkepan, sampe di tempat berlaboehnja itoe praoe praoe, di sitoe soeda ada berkoempoel banjak orang, jang menoenggoe brangkatnja itoe praoe.
Antara orang orang jang menoenggae ada banjak koeli parit dan tatkala politie dateng, orang denger roepa roepa perkataan tida sedap di oetjapken dengen pelahan. Tapi itoe agent agent poera poera tida denger. Marika boeroe boeroe soepaja nanti dapet tempat jang baek, apabila itoe praoe, jang soeda mendatengin, soeda rapet di pinggir.
Itoe waktoe selaloe terdjadi berdesakan antara publiek dan sasoeatoe orang maoe toeroen paling doeloe dalem praoe.
Dengen soesah itoe agent agent politie boeka djalan antara itoe orang banjak, tatkala mendadak saorang prempoean terpleset dan djatoh dari bebrapa tingkatan dari tangga boeat toeroen ka praoe.
Itoe waktoe dateng saorang item jang berbadan besar, jang djoega djadi koeli parit, la berdiri di depan itoe agent agent politie dan katain marika, bahoea marika soeda lempar orang sampe djatoh soengsang soembel.
Inilah adanja tanda boeat kariboetan oemoem.
Salah satoe agent itoe hendak dorong itoe orang item ka pinggir, tapi hal ini menerbitken amarahnja itoe orang item.
Di segala pendjoeroe lantas kadengeran soeara amarah
