210
Bebrapa koeli, jang tida taoe dan djoega tida maoe perloeken dapet taoe, siapa adanja itoe orang tangkepan, lantas reboet itoe orang dari tangannja itoe agent agent dan atas permintaannja Vieuxtemps, salah satoe koeli boeka ia poenja borgolan.
Agent agent itoe dengen sia sia berichtiar boeat tangkep poela itoe pendjahat. Itoe koeli koeli parit tambah lama tambah riboet dan sigra terdjadi perklaian sengit antara itoe koeli koeli dan politie, jang kena dikepoeng begitoe rapet, hingga tida bisa melawan sama sekali.
Kapitein dari praoe (kapal), jang liat itoe perklaian, anggep soeda sampe temponja aken brentiken itoe perklaian dan soeroe boeniken fluit tanda brangkat.
Masin masin bergerak dan tali tali dilepas.
Sasoeda terlepas dari ja poenja borgolan dan dari itoe orang orang politie, Vieuxtemps sekarang mempoenjai tjoema satoe toedjoean, jaitoe mentjari keslamatannja dengen lantas lari. la lompat dari kapal ka darat. Ia djadi sedikit lingloeng lantaran kerasnja ia djatoh ditanah. Ambtenaar dari kantor getek hampirken padanja. Vieuxtemps sigra ilang ia poenja lingloeng dan kata pada itoe ambtenaar:
„Di sitoe orang berklai. Baek akoe toenggoe laen praoe sadja. Marika maen hantem kromo sadja.“
Itoe ambtenaar, jang tida taoe betoel apa ada terdjadi, kombali oeroes pakerdjaannja, zonder perdoeliken lebih djaoe pada itoe orang jang telah melompat dari kapal. Vieuxtemps berpikir sabentar.
Ia soeda djadi merdika. Tapi ka mana ia aken pergi soepaja djangan dapet diketahoei orang?
Ia moesti djaga, soepaja ia sebrapa bisa lekas ada dalem slamat. la pergi dari itoe tepi kali dan menoe-
