213
liwat. Tjara begitoe marika bisa kenalin sasoeatoe penoempang dengen tida lompat barang satoe orang.
Roepa roepa hinaan kasar dilempar ka kepalanja itoe orang orang politie, marika ini tida bisa berboeat soeatoe apa. Tapi tatkala semoea penoempang, orang lelaki dan prempoean, soeda liwatin marika dengen satoe per satoe, Vieuxtemps tida kliatan.
Dalem itoe kapal tida ada orang lagi, selaennja marika sendiri dan anak kapal.
Maskipoen marika soeda pertjaja pasti, itoe pendjahat aken tida bisa diketemoeken lagi, toch kapitein tida maoe lantas kasi permisi penoempang penoempang baroe naek itoe kapal. Ia prentah ia poenja orang orang aken preksa itoe kapal lagi sekali dengen teliti.
Lobang lobang jang paling ketjil, di mana satoe orang tida bisa semboeni, poen toeroet dipreksa, aken tetapi pertjoema sadja.
Vieuxtemps tida diketemoeken.
Di kapal penoempang penoempang jang hendak pergi ka sebrang, soeda ada banjak dan moelai menggrendeng. Kapitein terpaksa menoeroet pada djam brangkat jang soeda ditentoeken. Itoe agent agent polilie ambil poetoesan aken toeroen dari dek, jang sigra penoeh dengen penoempang penoempang.
Sasampenja di darat, itoe agent agent ampir bertjidra sama satoe dengen laen, sebab masing masing kasi salah pada jang laen tentang itoe pelarian.
Tapi, itoe semoea tida merobah itoe perkara. Itoe pendjahat tetap tida ada Marika tinggal di sitoe bebrapa lamanja, dengen harepan, Vieuxtemps aken kloear atawa orang aken ketemosken ia di antara anak kapal, tapi marika poe-
