220
„Pendeknja ia taoe tentang itoe pemboenoehan dan brangkali ia telah toeroet membantoe.“
„Kaoe moesti tahan ini njonja“, kata Rogers.
Itoe doea orang sampe di itoe roemah.
„Akoe kira, ia tida aken boeka pintoe,“ kata Bernard dengen pelahan. „Tapi akoe soeda bersedia. Kita aken boeka itoe dengen paksa.“
„Kaoe sama sadja seperti setan, Bernard,“ kata itoe Kolonel, jang tjoema inget pada Clotilde dan ampir tida bisa semboeniken ia poenja rasa sedih. Ia soeda tida pertjaja lagi pada Clotilde, ia soeda anggep Clotilde seperti satoe prempoean hina, en toch ia tjinta padanja.
Marika pergi ka roemahnja itoe prempoean asing dan doegaannja itoe inspecteur ternjata benar. Kendati marika boeniken lontjeng bebrapa kali, toch Marika tida dapet djawaban.
Lantas Bernard kloearken satoe koentji palsoe.
„Orang moesti poekoel bangsat bangsat dengen marika poenja sendjata sendiri,“ katanja dan boeka pintoe dari kamar depan dengen perlahan.
Marika djoega soeda kloearken marika poenja revolver. Dengen bersiap tjara demikian marika masoek dalem satoe kamar. Itoe kamar kosong.
Dengen tida berajal barang satoe saat, Bernard pergi ka pintoe jang berhoeboeng dengen laen laen kamar, sedeng Rogers tjari taoe, apa tida ada orang jang semboeni di blakang perabot perabot roemah atawa klamboe klamboe. Kemoedian ia ikoetin sobatnja.
Marika preksa semoea : lemari lemari, tempat tempat tidoer dan rustbank. Marika preksa segala podjokan podjokan, tapi tida dapetken soeatoe apa.
„Persetan !“ kata Bernard dengen goesar. „Kita da-
