223
Bernard menoenggoe lagi saperampat djam.
Di loear soeda djadi begitoe gelap, hingga lentera lentera di djalanan soeda dipasang. Dalem kamar soeda ampir gelap sama sekali.
Bernard bangoen dari tempatnja doedoek, menoedjoe ka djendela dan toeroenken itoe klamboe klamboe, lantaran mana dalem itoe kamar djadi lebih gelap lagi.
Tatkala ia menoedjoe ka djendela laen boeat toeroenken djoega klamboe klamboenja, ia mendadak diam, pasang koepingnja dan badannja djadi sedikit goemetar.
Pintoe diboeka.
Jang dateng adalah itoe njonja. Ia telah menoenggoe sampe soeda gelap, baroe ia poelang. Orang denger boeni spatoenja dalem kamar samping.
Bernard lantas berlaloe dari djendela. Ia belon sampe deket medja, tatkala pintoe kamar diboeka.
Djalan djendela, jang klamboe klamboenja belon ditoeroenken, masoek sedikit sinar terang, tjoekoep boeat bisa meliat itoe bajangan gelap di tengahnja itoe kamar.
Bernard sendiri, jang matanja soeda djadi biasa dengen kegelapan di sitoe, kenalin romannja saorang. prampoean, jaitoe prampoean jang memake koedoeng biroe.
Apa ia sendirian sadja, atawakah Vieuxtemps toeroet sama dia ?
Dengen satoe kali angkat mata itoe prempoean memareksa itoe kamar dan liat itoe bajangan gelap, jaitoe bajangan dari Bernard. Bernard dapet liat saorang prempoean jang potongan badannja bagoes.
Itoe inspecteur pergi ka medja boeat ambil ia poe-
