229
loods, dalem mana ada bebrapa toekang soenglap.
Di depan itoe loods ada berdiri sakoempoelan orang orang, teroetama anak anak, jang mendengerken bitjaranja badoet jang mengoendang publiek aken masoek menonton.
Rogers brentiken ia poenja koe ja dan panggil itoe toekang soenglap, jang lantas dateng.
„Apa ada laen koempoelan di deket sini ?" tanja itoe kolonel.
„Ja, toean," djawab jang ditanja, „komedi koeda Bumpo, tapi soeda brangkat ini hari."
„Apa dalem itoe komedi koeda ada satoe anak prempoean, jang dikasi adjar roepa roepa permaenan ?"
„Ha, apa kaoe djoega tjari itoe anak?"
„Akoe djoega? Kenapa kaoe bilang begitoe ?"
„Sebab kemaren soeda ada liwat di sini saorang prempoean, jang tanja akoe begitoe djoega."
Saorang prempoean... bagimana roepanja ?"
„Poetjet dan sedih. Ia memake pakean item."
Rogers tarik napas pandjang. Itoe prempoean adalah Clotilde.
„Ka mana itoe prempoean soeda pergi ?" Ia menanja.
„Ka satoe tempat ketjil, York namanja, toean. la hendak ikoetin djoeroesan jang soeda diambil oleh itoe circus."
Rogers soeda dapet katerangan katerangan jang ia perloe.
Ia mengoetjap trima kasi pada itoe orang boeat ia poenja manis boedi. la sekarang pertjaja pasti, ia aken ketemoeken Clotilde. la ini djalan kaki dan Rogers naek koeda, tentoelah tida lama Rogers soeda bisa soesoel dia.
Ada doea djalan jang pergi ka itoe kota ketjil, jang
