231
„Baek,“ katanja. „Akoe tida oesah liat itoe medaille boeat ketahoei, bahoea kaoe ada orang politie.“
„Akoe kolonel Rogers, kepala dari politie pendjaga kaamanan. Apa kaoe ada trima koendjoengannja satoe njonja jang moekanja poetjet dan berpakean item ?“
„Dateng sama akoe? Kenapa?....Apa kaoe kira akoe ada piara laen prempoean selaennja istrikoe?...Akoe perdoeli apa sama itoe njonja jang moekanja poetjet dan berpakean item?“
„Ia tjari ia poenja anak. Tempo kaoe berada di New York, ada saorang kasiken pada kaoe satoe anak prempoean ketjl. Betoel apa tida?“
Bumpo poenja moeka kliatannja tida terlaloe girang. Kentara ia poenja kakoeatiran, jang ia tjoba semboeniken.
„Satoe anak?“ katanja boeat dapet tempo. „Satoe anak prempoean?“
„Ia ada di sini, dalem kaoe poenja tenda,“ kata Rogers dengen soeara keras.
„Apa mengartinja ini?“ Bumpo, jang telah djadi marah, bertreak. „Kaoe brani bilang, akoe dagangken anak anak?“
Dengen tida dengerken bitjaranja itoe orang, Rogers menoedjoe ka pintoe tenda, boeka kiamboe jang menoetoep itoe pintoe dan masoek.
Dengen diterangin oleh sinar jang goeram dari satoe lampoe minjak tanah, Rogers dapet liat satoe pemandangan aneh. Bumpo ikoet di blakangnja itoe kolonel.
Dalem kalangan tempat kasi pertoendjoekan ada bebrapa koempoelan orang orang, jang doedoek di lantei atawa berbaring atas pasir aloes. Satoe toekang muziek maenken biola. Bebrapa anak prempoean' dengen berpakean loear biasa, ketawa dan beromong
