25
poela. ....
Tapi bagimana ? Ia soeda menikah poela. Tapi apa Clotilde aken tida bisa bikin poetoes itoe nikahan ?
Mendadak ia dapet pikiran.
Sembari berbangkit dari krosinja, seperti ia bitjara pada saorang laen, kadengeran dari bibirnja :
„Kaoe djadi poenjaku ! ..... Kaoe djadi soeamikoe !“ .....
Poetoesannja soeda tetap.
Dan sigra ia hendak djalanken poetoesan itoe.
„Akoe pergi padanja, di roemahnja,“ ia kata.
Lantas ia ambil sepotong kertas toelis dan pernah boeat toelis soerat pada itoe soeami jang tida setia.
Matanja menjala, dadanja berombak. Itoe penah seperti terbang atas kertas toelisnja.
Ia toelis begini :
Orang, jang akoe masih selaloe tjinta.
Lantaran kepoetoesan harepan maka akoe angkat ini penah. Akoe djadi istrimoe, jang kaoe telah tipoe dan jang hatinja kaoe telah bikin roesak. Akoe doeloe djadi anak jang beroentoeng dari graaf Limburgh. Kaoe telah bawa akoe pergi, djaoe dari iboekoe, djaoe dari roemah orang toeakoe. Dan sekarang akoe ada di sini, saorang diri sadja, berklai melawan soesa dan sengsara ... maoe tida taoe tentang tjilaka, jang kaoe soeda timpahken padakoe.
Akoe telah pertjaja pada soempamamoe ; akoe telah djadi istrimoe dan merasa beroentoeng lantaran kaoe poenja tjinta. Tapi kaoe ! Kaoe tida kepingin dapet istri, tapi kakajaan .... Kaoe pergi ka Amerika, kaoe tinggalken akoe dan kaoe taoe, akoe tinggal saorang diri sadja, menanggoeng sengsara
