234
soeda dipasang.
„Mari!“ kata Rogers pada itoe directeur seraja ambil itoe lentera.
Bumpo tida bikin kaberatan. la toentoen itoe kolonel meneroes kalangan tempat maen, di mana di satoe fihak ada stal stal dan di laen fihak kamar kamar dari anak komedi.
Sasoeda Rogers preksa stal stal dan dapet taoe di sitoe tida ada disemboeniken anak, ia pergi di kamar kamar anak komedi, dimana ia dapetken badoet jang sakit. Tapi djoega dalem itoe kamar kamar ia tida ketemoeken Emma.
Sembari djalan itoe directeur tida brentinja poedji ia poenja circus, ia poenja orang orang dan binatang binatang.
Kemoedian Rogers pergi di kamar kamar, dimana orang orang prempoean lagi berpakean boeat kasi pertoendjoekan.
„Ha, apa kaoe masih selaloe tjari itoe anak, toean?“ tanja Bumpo. „Kaoe liat, kaoe poenja tjape sis sia sadja.“
„Ja, akoe liat begitoe djoega. Ini malem djoega akoe aken brangkat dari ini tempat,“ djawab Rogers, jang maoe ilangken itoe directeur poenja kakoeatiran. „Akoe soeda djalanken kewadjibankoe di sini dan akoe pertjaja pasti, itoe anak tida ada disini.“
Bumpo roepanja sanget senang mendenger ini katerangan. la kasi Rogers kloear djalan pintoe blakang, kasi slamat malem dan kombali dalem ia poenja circus, sedeng itoe kolonel djalan pergi.
Ini kepala politie soeda atoer ia poenja maksoed. Ia hendak toenggoe di deket sitoe dan intip apa Clotilde ada dateng. Ia aken toenggoe teroes sampe besok malem.
