237
Djidatnja rasa sakit, tapi ia merasa lebih sakit lagi ia soeda dapet kekalahan sematjem itoe.
Dalem kamar tidoer, jang berdamping dengen kamar di mana ia berada, ia ambil aer, tjoetji moekanja dan kemoedian ia dapet liat, di djidatnja, deket ia poenja ramboet kepala ia telah dapet satoe loeka ketjil, jaitoe tandanja satoe perklaian, dalem mana ia soeda dapet kekalahan.
Dari sebab ia poenja rasa angkoeh telah dapet loeka lebih keras dari djidatnya, maka ia sanget bentji itoe prempoean dan ia berniat aken tjari dan tangkep itoe prempoeen, biar bagimana djoega. la djoega harep, dengen perantaraannja itoe prempoean, ia nanti bisa dapet tangkep djoega Vieuxtemps.
Waktoe moelai soeboeh ia kloear dari itoe kamar dan lantas pergi ka kantornja.
Di sitoe ia sigra moelai preksa rapport rapport dari orang orang sebawahannja. ltoe orang orang mengawasi pada loeka di djidat dari madjikannja, tapi tida saorang brani tanja sebabnja.
Itoe rapport rapport tida memoeat kabar kabar penting. Vieuxtemps masih belon ditangkep.
Semoea agent soeda ditanjai, tatkala Perin, salah satoe agent jang toeroet bawa Vieuxtemps, masoek dalem kamar bitjara. Ia ada salah satoe agent jang pakerdjaannja sanget dihargaken oleh Bernard. la djoega taoe tentang pakerdjaannja itoe prempoean jang pake koedoeng biroe dan tentang perkoendjoengan perkoendjoengan dari Vieuxtemps pada itoe prempoean.
„Apa kaoe soeda dapet tanda tanda dari Vieuxtemps, Perin?“ tanja Bernard.
„Tida, akoe tjoema ada dapet tanda tanda dari itoe pimpinan jang pake koedoeng biroe,“ djawab itoe
