239
„Apa itoe circus soeda pergi?"
„Ja, tapi akoe tida bisa taoe kamana ia soeda pergi."
„Apa namanja itoe circus?'
„Circus Bumpo."
„Dan apa namanja itoe „Nona Listrik ?"
„Ia ada mempoenjai satoe nama bagoes, sebagimana memang semoea namanja orang orang sematjem itoe. Tapi itoe agent soeda loepa namanja.'
„Apa itoe circus tida ada kasi masoek advertentie atawa siarken programma?"
„Akoe belom ada tempo boeat njari taoe ini. Akoe nanti kasi taoe pada kaoe sebrapa bisa lekas."
„Baek Perin, baek. Menoeroet pikirankoe, kita soeda dapet tanda tandanja ini prempoean."
„Ia masih belon menikah. Itoe circus soeda bebrapa hari brangkat."
„Baek, kita nanti bisa dapet tjari itoe komedi koeda. Ikoet sama akoe, Perin. Di sana kita nanti tjari katerangan katerangan."
„Di sana tentoe ada terdjadi satoe perkara loear biasa," kata Perin lagi tatkala ia kloear dari kantor politie bersama inspecteur Bernard. „Itoe circus mendadak brangkat, sedeng akoe denger orang tjerita, saben malem ia menarik sanget banjak penonton, teroetama sadjek itoe „Nona Listrik" toeroet maen“
„Hm! Ini boeroe boeroe akoe pikir bisa terangken,“ kata Bernard. Tapi, kita nanti berkenalan lebih djaoe sama itoe prempoean bawa satoe anak prempoean?"
„Tida, chef, akoe tida denger sama sekali tentang hal itoe."
Bernard dan Perin bermoela naek kreta, kemoedian marika djalan kaki menoedjoe tempat, di mana orang
