240
orang komedi biasanja tinggal. Itoe waktoe soeda ampir lohor.
Marika ketemoeken tjoema tenda dari toekang soenglap, jang Rogers soeda denger pengakoeannja. Di deket sitoe tjoema ada bebrapa roemah”
„Di sitoe ada tinggal itoe orang jang sewaken kreta kreta," kata Perin.
„Marika boeniken lontjeng dan ketok pintoenja, tapi semoea tertoetoep dan tida saorang ada dateng. Eigenaarnja brangkali belon poelang.
Bernard dapet liat satoe roemah ketjil, sematjem roemah makan atawa lebih baek dibilang satoe dapoer, jang bagiannja jang paling moeka ditjat merah.
„Ikoet sama akoe, Perin,” kata itoe inspecteur dan bersama itoe agent politie ia pergi ka itoe dapoer.
Marika masoek dalem kamar makan jang penoeh sama asep, dimana ada dijoeal roepa roepa matjem barang santapan
Tatkala marika dateng, saorang lelaki jang berbadan besar hampirken pada marika. ltoe orang ada boeka sematjem tempat djoedi. Ia telah moelai itoe pakerdjaan, dari sebab itoe tempat pelahan pelahan telah perloe mempoenjai pendjoedian lantaran teroes meneroes ada dateng dan pergi ,,orang orang jang tjari peroentoengan“
„Apa kaoe jang oeroes di sini?"
„Ja, toean,“ djawab itoe orang dengen soeara angkoeh.
„Apa di sini ada dateng djoega koempoelan orang orang komedi jang soeka mengembara ka sana sini?"
„Ja, ada."
„Kaoe tentoe kenal itoe ,Nona Listrik ?"
„Astrella?’
„Bernard sekarang dapet taoe namanja itoe prempoean
