26
jang tida ada bandingannja.
Brapa banjak soesa akoe soeda pikoel sadjek itoe waktoe. Akoe soeda menoempahken brapa banjak aer mata lantaran kaoe, soeami jang kedjam.
Kemoedian akoe pergi ka Den Haag.
Akoe tjari roemah orang toeakoe boeat minta dipoengoet di sana dan minta ampoen boeat apa jang akoe soeda salah berboeat.
Tapi ajahkoe oesir akoe, sedeng malem gelap goelita dan sanget dingin.
Kamana akoe pergi? Akoe sendiri tida taoe.
Orang orang baek telah kasi akoe ongkos jang perloe boeat menjebrang laoetan dan pergi ka Amerika boeat tjari padamoe.
Sasoeda banjak soesa, achirnja akoe dapetken kaoe, tapi...
Kaoe idoep di sini boekan sadja dengen pake nama palsoe, hanja kaoe telah bikin djoega korban jang kadoea, itoe prempoean, jang katanja djadi kaoe poenja istri jang kadoea.
Sedeng akoe, djaoe dari sini, idoep dengen melarat, kaoe idoep dengen makmoer.
Allah taoe, Alfred, bagimana akoe soeda korbanken akoe poenja oesia moeda dan warisan lantaran kaoe.
Toch kaoe soeda tinggalken akoe.
Tapi selamanja, Alfred, selamanja katjintaankoe bagi kaoe tida mendjadi koerang, selamanja akoe aken tida bikin poetoes djandjikoe, jang akoe soeda kasi di depan medja sembajang.
Alfred ! Akoe moehoen pada kaoe, tinggalkenlah itoe prempoean, jang tida taoe djadi korbanmoe.
