242
„Apa Kaoe brangkali taoe nama jang betoel dari itoe nona listrik ?‘ tanja Bernaid lagi.
„Ia poenja nama betoel ? Kaoe tanja terlaloe banjak. Marika semoea mempoenjai doea nama. Namanja jang betoel tida ada pentingnja.”
„Marika toch moesti ada soerat soerat."
„Soerat soerat!" itoe toekang losmen oelangken dengen soeara menghina, ,,Orang bisa dapet soerat soerat itoe sebrapa banjak orang maoe dengen tida oesah kasi taoe namanja jang betoel. Ada sadja djalan boeat dapet soerat soerat."
„Kaoe tentoe tida taoe apa dalem itoe circus ada satoe anak ketjil ?"
„Bumpo tjoema moesti oeloerken ia poenja tangan, akoe maoe bilang, ia tjoema moesti kasi satoe tanda aken dapet anak anak. Orang bawa anak enaknja padanja, soepaja ia bikin itoe anak djadi orang orang komedi jang pande,“ djawab itoe toekang losmen. ,,Tapi akoe tida taoe soeatoe apa jang ia ada bawa satoe anak prempoean ketjil dari sini.”
„Apa itoe nona listrik telah toeroet brangkat bersama sama itoe circus?"
„Nona Astrella ? Tentoelah. Apa kaoe tia tjari dia ?"
„Ada satoe perkara poesaka.“
Itoe toekang losmen boeka mata lebar.
„Apa ia dapet warisan ?" katanja.
„Akoe moesti tjari taoe doeloe, apa betoel dia jang kita tjari.’
„Tentoe sadja. Tjobalah tanja katerangan pada itoe orang toea Bloom di sebrang sana."
„Bloom ? Siapa itoe ?" kata Bernard.
„Itoe koesir toea, tida djaoe dari sini. Ia ada poenja saekor koeda dan satoe kreta toea. Kemaren ia telah
