243
dapet poekoelan bagoes. Ia moesti bawa itoe nona, akoe tida taoe ka mana. Brangkali itoe nona telah telah ketahan dalem kota, maka itoe koesir moesti bawa ia lantas pada ia poenja circus,“ kata itoe toekang losmen, jang sekarang moeloetnja djadi lebih terboeka sasoeda ia denger tentang satoe warisan. „Bloom ada dateng disini minoem ia poenja jenever dan ia telah anterken itoe nona."
„Apa ia tidak bilang ka mana?"
„Tida akoe tida tanja. Akoe tida perdoeli, ka mana itoe orang orang komedi pergi, apabila marika tida tinggal lagi di sini."
„Ia poenja roemah dikoentji."
„Jenever djang bikin itoe roemah djadi tertoetoep," djawab itoe toekang losmen. „Bloom minoem satoe botol Jenever dengen satoe kali minoem abis, apabila ia dalem perdjalanan. Kaloe ia soeda poelang, ia tidoer doea belas djam seperti oran toeli. Orang boleh ketok ia poenja pintu sampe orang poenja tangan djadi patah, ia tida aken denger."
Sasoeda Bernard dan Pering sekarang dapet denger apa jang marika kepingin taoe tinggal tjoema boeat boedjoek Bloom soepaja ia tjeritaken, ka mana ia ka mana ia soeda bawa nona Astrella. Djadi marika pergi ka roemahnja itoe toekang sewaken kreta.
„Kita nanti bikin ia bangoen," kata Bernard, „dan kita nanti denger, dimana kita bisa dapetken itoe nona jang pake koedoeng biroe. Sampe sabegitoe djaoe ita ini hari ada beroentoeng, Perin."
Ini agent politie moelai gedor pintoenja Bloom poenja roemah dengen kadoea kepelannja.
„Pertjoema sadja,“ kata Bernard sasoeda liwat bebrapa saat. „Kita moesti pake laen djalan. Itoe toea bang-
