248
lem soerat kabar ?"
„Tida, roepanja orang belon taoe itoe nama jang betoel atawa orang hendak toetoep sadja itoe nama. Tapi, itoe nama tida ada pentingnja.”
Vieuxtemps kliatannja tida koeatir, djoega tida soesa. Ia minoem dengen sabar. Tapi mendadak ia bangoen dari krosinja, matanja dengen koeatir memandang ka djalanan, dimana ada mendatengin saorang prempoean jang memake pakean item.
Waktoe meliat „Penggilingan Merah“ dan itoe losmen, itoe prempoean moeda, jang kliatannja saorang miskin, mendadak brenti bertindak boeat berpikir.
Vieuxtemps boeroe boeroe bangoen dan hampirken djendela. Ia kenalin Clotilde dan liat, bahoea ia menoedjoe ka itoe losmen.
Schultz djoestroe hendak pasang lampoe. Tapi Vieuxtemps hampirken padanja dan kata.
„Kaoe bisa toeloeng padakoe. Apa disini ada tempat, dimana akoe bisa semboenji ?"
„Kenapa kaoe mendadak djadi begitoe ?" tanja Schuitz.
„Apa kaoe liat itoe anak prempoean didjalanan ?"
„Ja, roepanja ia ada saorang asing.“
„Akoe kenal dia. Akoe hendak bikin dia djadi kaget."
Schultz djadi tjemboeroe tatkala denger ini katerangan.
„Kenapa kaoe hendak bikin dia djadi kaget ?" ia menanja.
„Ada sebabnja.”
Berbareng dengen itoe Vieuxtemps sodorken salembar oewang kertas dari sepoeloe dollar dalem itoe tangannja itoe toekang losmen.
