27
Kombalilah padakoe, pada istrimoe, istrimoe jang sah. Akoe aken maafken semoea. . . semoea. Tapi kaoe tida tjinta lagi padakoe. Kaloe tida,bagimana kaoe bisa tinggalken akoe.
Tapi akoe aken tjoba boeat dapetken poela katjintaanmoe.
Tapi boeat dapetken katjintaan itoe poela, akoe moesti ada bersama kaoe dan idoep di sempingmoe. Kaoe moesti liat akoe saban hari. Melaenkan dalem keadaan demikian kaoe aken bisa tjinta poela padakoe.
Apa jang akoe hendak minta dari kaoe, boleh djadi roepanja tida patoet sekali, tapi itoe ada boeat kebaekannja kita berdoea.
Kasilah akoe pakerdjaan dalem roemahmoe, Alfred. Kaloe perloe, biarlah tjoema sebagi prempoean pengawal dari itoe prempoean, jang katanja djadi istrimoe.
Akoe taoe, akoe pertjaja pasti, kaoe aken tjinta poela padakoe, kaoe aken lempar sekalian kekajaan boeat rasaken poela tjintakoe.
Kaloe soeda begitoe, Alfred, kita aken beroentoeng lagi.
Djangan takoet, jang akoe aken boeka resiamoe pada itoe prempoean jang katanja djadi istrimoe. la aken tida dapet taoe, bahoea akoe djadi istrimoe jang sah, bahoea kaoe melaenken djadi kapoenjaankoe saorang, boekan kapoenjaannja laen orang.
Kasilah akoe tinggal tjoema satoe taon dalem roemahmoe. Kaloe dalem itoe tempo akoe tida beroentoeng dapetken kaoe poenja tjinta, maka dengen senang hati akoe aken kasiken tempatkoe pada itoe prempoean, jang nanti
