252
Kemoedian diboeka satoe pintoe di lantei, dari mana kloear kepala dan poendak dari saorang lelaki.
Djeritan jang keras kloear dari bibirnja Clotilde. Ia poenja kaget djadi tambah besar, tatkala ia kenalin itoe orang, jang kloear dari bawah lantei, adalah ia poenja soeami, Alfred Vieuxtemps.
Vieuxtemps toetoep poela itoe pintoe. la hampirken pada Clotilde, jang dengen moeka poetjet sebagi mait, oeloerken tangannja boeat toelak itoe bangsat.
,,Toeloeng! toeloeng!" ia mendjerit. ,,Astaga! toeloenglah !"
,,Djangan bertreak !" kata Vieuxtemps sambil pegang tangannja. ,,Tida satoe orang bisa denger kaoe poenja treakan, tida satoe orang aken dateng. Eigenaar dari ini roemah taoe, bahoea akoe bitjara sama kaoe.”
,,Pergi!" Clotilde bertreak. ,,Kaoe ada satoe setan.”
,,Sebab akoe tinggalken kaoe? Akoe moesti berboeat begitoe, sebab akoe tida poenja apa apa lagi dan lebih doeloe akoe moesti tjoba sabisanja boeat djadi kaja soepaja bisa bikin kaoe djadi beroentoeng.”
,,Beroentoeng ?”
,,Ja, sekarang akoe hendak bikin kaoe djadi beroentoeng. Akoe tjinta pada kaoe. Akoe tjinta pada kaoe lebih dari doeloe. Kaoe moesti djadi istrikoe poela."
,,Tida, selanmanja tida. Kaloe kaoe tida pergi, akoe panggil toekang losmen daa tjeritaken padanja, bahoea kaoe adalah Vieuxtemps, si pemboenoeh."
,,Kaoe tida aken bikin begitoe. Hati hati!"
,,Toeloeng !“
,,Akoe bersoempah, kaloe kaoe boeka resiakoe, kaoe poenja anak aken mati.”
,,Akoe taoe, dimana adanja anakkoe dan akoe pergi ambil dia”
