256
makmoer. Akoe nanti bikin kaoe djadi orang prempoean jang paling beroentoeng...Kasianlah Clotilde. Akoe nanti tjinta pada kaoe, kaoe dan kita poenja anak..... "
Clotilde berontak lepasken tangannja jang masih dipegang oleh itoe bangsat dan lari ka pintoe. Ia hendak boeka itoe pintoe dan lari dari depannja itoe orang, jang tjintanja bikin ia djadi lebih takoet dari ia poenja kabentjian. Aken tetapi itoe pintoe dikoentji.
Koetika itoe djoega Alfred menerdjang padanja sambil oetjapken antjeman antjeman.
Clotilde menjingkir dan lari ka laen fihak dari itoe kamar. Sasampenja deket pintoe, Alfred Vieuxtemps rasanja denger satoe soeara jang mentjoerigaken. Ia berdiri sasaat boeat dengerken.
Itoe saat digoenaken oleh Clotilde. Ia lari ka salah satoe djendela, boeka itoe dengen paksa dan naek di atas bankoenja itoe djendela. Vieuxtemps liat dan boeroe padanja. Tetapi Clotilde sueda lompat toeroen di tanah dan mengilang seperti satoe bajangan dalem malem jang gelap goelita.
Di pinggir djendela itoe Vieuxtemps berdiri mengawasi djalannja itoe prempoean tjilaka sebrapa lama ia bisa. Ia ampir lompat djoega toeroen, tetapi sigra ia robah poetoesannja.
,,Kaoe toch tida bisa lari dari akoe,” ia menggrendeng, sedeng tjahaja girang menerangin moekanja jang poetjet dan kedjam. ,,Kaoe tida aken bisa lolos. Akoe nanti ketemoe kaoe poela di tempat, di mana adanja kaoe poenja anak jang kaoe tjari. Kaloe soeda begitoe, kaoe nanti djadi poenjakoe poela, kita nanti sama sama lari."
—————————
