258
jang saban hari masoek dalem tempat itoe. Akoe kira, dalem ini doenia tida ada kota jang kadoea, di mana ada begitoe soesa boeat tjari saorang jang tjoba semboeniken dirinja.“
,,Akoe pikir, Kolonel, kaloe kita dapet tangkep itoe prempoean jang pake koedoeng biroe, kita nanti dapet ptngkep djoega Veuxtemps. ltoe prempoean tentoe ada poenja soerat soerat, ia tentoe taoe, di mana adanja itoe bangsat. Ja, akoe pertjaja pasti he Vieuxtemps tida terpisah djaoe dari ini prempoean.”
,,Liat, di sana ada dateng saorang jang pergi kemari. Ia mengawasi ka segala fihak sperti ia tjari apa apa,” kata Rogers sambil pergi ka djendela, ,,Roepanja ia ada saorang dari itoe circus."
Bernard boeka itoe djendela. Itoe orang liat itoe doea toean toean dan lantas angsoerken tangannja dengen ketawa.
,,Achirnja akoe ketemoe sama kaoe, toean toean," katanja. ,,Akoe soeda lama tjari pada kaoe. Directeur Bumpo soeroe akoe kemari.
,,Ada apa?“ tanja Bernard sambil. pandang itoe orang dengen tjoeriga.
,,Akoe sampeken satoe katerangan dari directeur, toean," djawab itoe orang, ,,saetoe katerangan jang tentoe penting boeat kaoe. Apa kaoe soeda tjari taoe tentang itoe nona?”
,,Itoe nona listrik? Ja, soedah"
“Ia, nona Astrelia. la soeda brangkat ka York, itoe betoel, tapi kaoe taoe, selaennja ini kota ketjil di sini, ada lagi laen kota York, jang lebih besar, pernahnja lebih djaoe ka Oetara. Ka sana, boekan ka sini, itoe nona soeda brangkat"
,,Kliroe, sobat," Bernard sambil gojang kepala ,,Itoe
