260
penting pada kaoe Semalem Vieux'emps ada menginep dalem losmenkoe. Tadi malem djoega ia telah pergi dengen diam bersama satoe prempoean . . . .”
Rogers keroetken alisnja dan kata:
„Vieuxiemps?... Apa ia telah menginep dalem kaoe poenja roemah dan sekarang, sasoeda ia pergi, baroe kaoe kasi taoe pada kita ?.“
„Kaoe toch tida pikir, bahoea akoe sekongkol sama ini bangsat, jang telah boenoch William Smith ?“ tanja Schultz. „Bagimiana bisa djadi begini, sedeng roemahkoe akoe tinggal kosong, perloenja tjoema boeat kasi ini katerangan pada politie ?“
Bernard lantas tjampoer bitjara.
„Kaoe bilang, semalem ia menginep sama kaoe. Tapi siapa adanja kaoe ?“
„Akoe Schultz dari „Penggilingan Merah“, saorang jang djoedjoer. Itoe orang asing dateng padakoe di waktoe siang.“
„Apa itoe waktoe kaoe belon taoe, bahoea orang tjari itoe pendjahat?“
„Akoe taoe hal itoe, toean dan akoe ada bitjaraken djoega hal itoe sama dia“
„Dan apa kaoe taoe djoega, bahoea itoe pendjahat namanja Vieuxtemps?“
„Siapa orang ja anggep sasoeatoe orang pelantjongan djadi pendjahat?“ kata Schultz. „Dan siapa orangnja jang lantas tanja pada ia poenja tamoe, siapa namanja ?“
„Tapi, bagimana kaoe bisa taoe, bahoea itoe orang ada Vieuxtemps?“
„Begini. Di waktoe malem ada dateng dalem los menkoe satoe prempoean moeda, jang sanget tjantik“
„Apa ia pake pakean item ?“ tanja Rogers dengen
