261
mendadak.
„Ja, ia pake pakean item.“
„Dan Vieuxtemps tentoe toenggoe ia poenja dateng?“
„Tida, ia kabetoelan sadja liwat moeka roemahkoe, toean dan dari sebab hari soeda moelai gelap, maka ia masoek dalem losmen. Tapi tatkala Vieuxiemps, jang bawa banjak oewang, liat itoe prempoean, lantas ia poenja lakoe djadi aneh.“
„Kasian !“ Rogers menggrendeng.
„Ia bilang, ia hendak bikin kaget itoe prempoean, sebab ia soeda kenal lama“, kata Schultz lagi.
„Kemoedian, tempo itoe prempoean masoek, dengen tida doega soeatoe apa, ia masoek dalem goedang dalem tanah.“
„Dan kaoe telah idzinken ia masoek dalem itoe goedang ?“ Rogers kata dengen goesar.
„Toean, apa akoe taoe apa ia poenja maksoed dan siapa adanja dia? Dengerlah lebih djaoe. Itoe prempoean moeda minta menginep dan akoe kasi ia tinggal dalemokamai besar di bawah. Kemoedian akoe pergi ka kamarkoe di atas. Akoe sendiri tida taoe, begimana akoe telah dapet itoe pikiran, tapi benar adanja, pintoenja itoe kamar akoe koentji dari loear. Sasaat kemoedian akoe denger pertjidraan keras. Akoe denger namanja Vieuxtemps diseboet. Dan ini pagi akoe batja dalem soerat kabar, bahoea orang jang ditjari bernama Vieuxiemps. Tapi soeda kasep; doea doea orang itoe soeda lari djalan djendela. Brangkali itoe prempoean moeda hendak lari dan Vieuxtemps kedjar padanja.“
„Marika tentoe telah pergi ka (station jang paling deket, tegasnja Vieuxtemps tentoe soeda pergi ka sitoe, sebab ia tida bisa tinggal lebih lama lagi dalem losmenkoe Ia tentoe koeatir, akoe telah denger marika poenja pertjidraan. Pendeknja, baek itoe prempoean moed
