262
baekpoen itoe pemboenoe akoe tida ada ketemoeken lagi.“
„Soenggoeh terlaloe,” kata Rogers. „Djadi itoe prempoean tjilaka telah djatoh poela dalem tangannja itoe setan.“
Berbareng dengen itoe Rogers dapet satoe pikiran.
„Mari inspecteur, mari lekas,“ katanja. Kita moesti tangkep Viet xtemps dan akoe pertjaja.
„Ia telah pergi ka York ?“ tanja Bernard. „Akoe kira djoega begitoe.“
„Apa akoe moesti bikin kaloe itoe orang dateng lagi ditempatkoe ?“ tanja Schultz.
„Kaoe diam sadja, djangan bitjara tentang apa jang kaoe soeda denger; djangan kasi ia pergi dan lantas kasi taoe pada kantor politie jang paling deket,“ djawab Bernard.„Tapi akoe doega ia tida akan datang lagi ketempatmoe“
Satoe djam kemoedian, tatkala soeda gelap betoel, itoe orang circus, jang disoeroe oleh Bumpo ketemoeken itoe doea orang politie, poelang ka tempatnja dengen moeka girang.
Ia lantas pergi pada Bumpo, jang memandang lagi sekali pada persediaan persediaan oentoek bikin pertoendjoekan lagi sabentar.
„Marika soeda brangkat, itoe orang bertreak sambil gosok gosok tangan, tatkala liat itoe directeur. Sekarang kita soeda terlepas dari marika boeat bebrapa hari.“
„Soenggoeh? Apa kaoe soeda liat marika ?“ tanja Bumpo.
„Akoe dateng dari djalan kreta api. Di mana adanja itoe nona ?“
„Dalem kamar tempat pakean.“
