264
itoe toekang soenglap. „Ha, ha, ha, marika tida aken begitoe lekas kombali di sini.“
„Akoe tida taoe, apa marika maoe dari akoe.“
Itoe toekang soenglap tida bisa tahan boeat melirik pada itoe anak jang djongkok di podjokan dari litoe kamar.
„Marika tida aken bikin soesah lagi pada kaoe, nona. Kaoe boleh senangken hatimoe“, katanja.
„Bilang dan pada directeur, ini malem akoe aken maen.“
„Kaoe denger ?“ kata itoe toekang soenglap. „Orang orang soeda berkoempoel di depan tenda. Kabar bahoea nona Listrik aken maen, soeda tersiar. Dalem tempo stengah djam ini circus aken penoeh.“
„Dan akoe djoega pergi berpakean. Sampe ketemoe, Astrella jang tjantik, sampe ketemoe !“
Itoe toekang soenglap kloear dari itoe kamar.
Di laen kamar kadengeran ketawa jang njaring dari pemoeda pemoeda dari itoe circus, jang iboek salin pakean boeat kasi pertoendjoekan.
Bumpo ada di stal dan kasi prentah-prentah.
Istrinja doedoek di depan medja ketjil dipintoe circus boeat trima oe wang dari publiek
Sadjoemblah besar lampoe-lampoe menerangin bagian loear dari itoe tenda, di depan mana badoet badoet dengen soeara njaring batjaken permaenan permaenan jang bakal dipertoendjoeken, antara mana adalah permaenan dari nona Astrella jang paling oetama.
Oewang djatoh seperti oedjan dalem kas dari directie dan tempat tempat penonton sigra soedah penoeh.
Muziek jang bagoes kasi denger lagoenja. Itoe orkest terdiri dari satoe biola, satoe klarinet dan satoe has.
Pertoendjoekant moelai dengen badoet, jang dapel
