272
Perkataan perkataan ini ada seperti satoe toesoetan piso di djantoengnja Clotilde.
„Astaga!“ katanja. „Apa marika soeda bikin sama anakkoe? Akoe bawa kaoe pergi dari sini, anat, akoe toeloeng kaoe...“
„Tangankoe sakit, mama...“
Clotilde menangis. Tapi ia paksa tahan aer matanja. Ia perloe pake antero pikirannja boeat djaga soepaja ia djangan bikin sakit anaknja sedeng ia potong itoe tali tali, jang sampe masoek dalem daging. Dan berbareng dengen itoe ia moesti boeroe boeroe sekali.
Ia harep aken bisa toeloeng anaknja melaenkan dengen kesabaran.
Achirnja tali jang pengablean soeda poetoes. Emma soeda terlepas.
Dengen gendong itoe anak Clotilde djalan menoedjoe ka pintoe. Djoestroe itoe waktoe pertoendjoekan kadoea dari nona Astrella soeda abis. Lagi satoe meniet dan ia tentoe sampe di gang, di mana permanja itoe kamar.
Clotilde soeda bersedia aken melawan sampe mali. Sasoeda liat, pintoe blakang tida ada jang djaga, Clotilde lantas kloear. Dari dalem kadengeran soeara riboet, menandaken ada orang orang dateng, tapi Clotilde soeda ada di loear.
Ia soeda dapetken kombali ia poenja Emma.. Sebagi satoe bajangan, demikianlah ia djalan dalem gelap goelita bersama anaknja, jang peloek leher iboenja.
Ia djalan teroes dengen tida brentinja. Aken tetapi, ka mana ia menoedjoe ?
Sekarang ia tjoema moesti pikir boeat menjingkir dari orang orang itoe circus. Ia djalan teroes dengen
