274
XXXII.
LADANG LINCOLN.
„Marika tentoelah soeda kete moe ditengah djalan, inspecteur, sebab niarika selaloe berhoeboeng pada satoe dengen laen," kata kolonel Rogers pada inspecteur Bernard, sama siapa ia kombali dengen sia sia dari York, jang pernanja lebih djaoe ka Oetara, ka mana marika telah pergi atas oendjoekannja itoe toekang soenglap dari circus Bumpo. Marika naek koeda dan mendatengin dengen pelahan pada satoe djalanan boesoek, jang penoeh dengen lobang lobang loempoer.
„Kita moesti liat apakah kita tida ketemoeken marika," kata Bernard. .,Semoea apa ada mengoendjoeken, bahoea marika soeda ambil ini djoeroesan. Brangkali marika pikir, ada bahaja mengantjem kaloe marika doedoek kreta api. Tapi soeda pasti, bahoea marika ada sefakat dan ada bersama sama."
„Akoe kesian sama istri jang jilaka dari itoe bangsat," kata Rogers. „Allah sadja jang taoe ka mana ia soeda pergi."
„la kedjar itoe premposan jang pake koedoeng biroe, dengen harepan aken dapetken kombali ia poenja anak..."
„Satoe hal soeda pasti: kaloe Vieuxtemps djatoh dalem tangankoe, ia tida aken dapet tipoe akoe. Katoe itoe bangsat bantahan, akoe kasi pelor di kepalanja."
„Itoe premoean jang tjilaka tida bisa laloe dari pikirankoe. Betoel, ia ada prempoean paling tjilaka dalem ini doenia," djawab Bernard.
„Tida ada poenja oewang, tida ada poenja sobat
