275
sobat jang bisa menoeloeng dan tida ada poenja tempat tinggal."
,.Ja, ja! Tapi katjintaan dari satoe iboe pada anaknja bisa lakoeken perkara perkara adjaib, itoelah moesti diakoe," kata Bernard lagi, ,,Dan itoe prempoean komedi dengen ia poenja ramboet jang merah ada begitoe kedjam boeat rampas anaknja itoe prempoean tjilaka. Kaloe akoe ketemoeken itoe badjingan prempoean, akoe pertjaja, akoe aken bisa tjekek lehernja, banting la di tanah dan boenoeh padanja, sebab ia ada orang paling berbahaja, jang akoe soeda pernah ketemoe, satoe oeler, tentang bisa siapa orang moesti berhati hati
„Itoe anak ketjil ada sama dia," kata Rogers lagi. „Bagimana sanget tentoenja itoe anak dapet siksaan dari itoe orang orang jang kasar, jang didik dan kasi peladjaran padanja seperti marika mendidik satoe andjing Akoe koeatir, Clotilde tida aken dapetken kombali la poenja anak."
„Sekarang soeda moelai malem dan sabegitoe djaoe matakoe bisa liat, akoe tida ada liat satoe tempat jang bisa ditoempangin, tida satoe losmen, tida soeatoe apa ada kliatan."
„Kaloe begitoe, ini malem kita aken djalan teroes sampe kita ketemoe satoe goeboek," djawab Rogers.
„Akoe ampir djadi gila lantaran tida sahar," kata Bernard lagi. „Akoe tida bisa sabar kaloe inget, jang kita belon kete moeken dan tangkep itoe bangsat Vieuxtemps"
„Senangken hatimoe, ia tida aken bisa lolos dari tangan kita. Kaloe sadja kita soeda dapetken itoe nona, kita sigra aken dapet tangkep dia djoega. Dan akoe harep. . . . . Ada apa ?" itoe kolonel mendadak potong bitjaranja sendiri tatkala ia liat, Bernard brentiken
