281
„Biarken sadja,“ katanja.
„Kaoe ada saorang lelaki jang koeat dan kaoe poenja istri, dibandingken sama kaoe, ada satoe machloek jang aloes dan lemah,“ kata itoe inspectur sembari kasi Lincoln doedoek atas satoe divan.
„Mari.“ Henrielle menggrendeng pada kolonel Rogers. „Akoe takoet boeat dia.“
„Kaoe ada di bawah perlindoengankoe,“ djawab Rogers. Djangan takoet. Kaoe tida aken diganggoe lagi . . . Tapi ada lebih baek ia tida liat pada kaoe. Akoe aken bawa kaoe dalem itoe kamar.“
Koetika Rogers dan Henriette berlaloe, Bernard teroes kasi nasehat pada Lincoln.
„Kaoe ada poenja satoe ladang jang amat bagoes, satoe istri jang tjantik,“ kata Bernard pada Lincoln.
„Kaoe ada poenja harta, apa kaoe tida anggep, bahoea adalah kaoe poenja kewadjiban aken idoep dengen santosa dan dengen djalan jang terhormat ? “
„Kenapa ia semboeniken koentji dari goedang dalem tanah ? Siapa djadi toean dalem ini roemah ? “ kata itoe toean tanah dengen soeara jang koerang ketoesnja dari tadi.
„Apa ia boekan akoe poenja boedak ? ia miskin. AKoe bikin ia djadi istrikoe. Ia moesti toeroet segala bitjarakoe.“
„Kaoe soeda moelai sabar. Kaoe sekarang moelai berpikir. Kaoe taoe, kaoe poenja peroendingan ini tida betoel seanteronja. Tjoba bilang, apa kaoe bisa, apa maoe kasi kita orang tempat boeat menginep ? “
