287
circus dan kita soeda kasi diri kita ditipoe,“ kata Rogers jang tjoema memandang dan mendengerken pada Clotilde.
Marika tida perhatiken, jang Henriette dergenken marika poenja bitjara dengen memperhatiken betoel.
„Kita tentoe soeda kliroe, Clotilde. Apa itoe nona masi ada diitoe kota ?“
„Itoe akoe lida taoe, kolonel, akoe telah lari dan akoe sendiri tida taoe ka mana . . . . . . Alfred telah semboeni.“
„Ia tentoe ada di deket sitoe. Akoe tida aken diam, sabelonnja akoe dapet ketahoei ia poenja tempat semboeni," kata Bernard.
„Apa itoe nona telah ikoetin kaoe djoega ?" Rogers menanja.
„Akoe inget tjoema satoe hal, jaitoe, bahoea akoe telah bawa lari akoe poenja anak. Akoe dapetken ia diiket, akoe potong tali talinja, laen dari itoe akoe telah tida perdoeliken.“
Sekarang djangan koeatir lagi,“ kata Rogers, „toean Lincoln nanti soeka kasi kaoe menginep boeat bebrapa hari dan selama itoe waktoe kita nanti beremboek, apa kita moesti bikin lebih djaoeh.“
Clotilde kasi anaknja satoe glas soesoe dan sedikit roti, ia sendiri makan djoega sedikit.
Kemoedian Henriette bawa Clotilde dan Emma ka roemah ketjil di samping itoe roema besar, di mana ia bikinken satoe tempat tidoer boeat itoe iboe dan anak. Selama itoe waktoe ia tanja pada Clotilde, apa ia soeda lama kenal sama Rogers. Tjara bagimana ia telah berkenalan dengen itoe kepala politie. Clotilde mendjawab dengen teroes terang dengen tida merasa tjemboeroe apa apa. Tatkala semoea soeda beres, Hen-
