288
riette berlaloe dari sitoe.
Sakombalinja di roemah besar Henriette ketemoeken Bernard dan Rogers, jang bersama Lincoln bitja ra tentang Clotilde. Henriette pasang koepingnja. Sekarang ia dapet denger hikajat jang sedih dari itoe gravin Limburgh Stirum jang tjilaka. Tapi, sebaliknja dari merasa sedih, ia mengandoeng maksoed maksoed besar.
„Pengidoepan betoel ada tjilaka boeat dia, boekankah begitoe, njonja Henriette ?“ kata Rogers dengen hormat.
„Sasoenggoehnja begito," djawab Henriette. „Ini prempoean, kaloe diliat sakedjapan sadja, kliatannja lebih banjak seperti satoe pengemis dari pada gravin.“
Abis kata begitoe ia ketawa menjindir.
Rasa djeloes soeda masoek dalem hatinja. Ia telah dapet rasa tjoeriga, bahoea Clotilde dan Rogers ada tjinta pada satoe sama laen. Dan itoe tali, jang mengiket marika berdoea roepanja bagi Henriette ada begitoe koeat, hingga aken ada sanget soesa boeat dibikin poetoes.
O, itoe prempoean asing! Bagimana sanget Henriette bentji padanja!
Lincoln teroes doedoek terpekoer. Apa ia perdoeli sama itoe semoea ? Achirnja ia djoega toeroet bitjara. Ia tjeritaken tentang ia poenja kadiaman di Selatan, ia poenja pertjidraan sama orang orang item, sama itoe orang orang males, jang melaenkan maoe bekerdja kaloe marika diantjem sama tjamboek.
Rogers memandang padanja Ia liat, bahoea itoe toean tanah ada mempoenjal roepa seperti binatang jang tida bisa berpikir, jaitoe ia poenja djidat jang lebar dan pesagi ampat, ia poenja mata jang seperti kloear dan ia poenja moeloet jang menandaken sa-
