31
jang bisa menimpah pada itoe badjingan.
Apa ia bisa bikin? Kringef dingin mengoetjoer di djidatnja.
Ia rasa tida sanggoep boeat poelang pada itoe istri,jang menoenggoe ia dalem roemahnja jang indah. Si istri tjinta padanja dan anggep dirinja seperti satoe istri jang ditjirta oleh soeaminja Johan Goud tida brani poelang sekarang dan ketemoein istrinja itoe. Ia sanget goegoep, hal mana tentoe aken menarik pikiran istrinja.
Ia kloear dari station dan djalan djalan di djalanan boeat tjoba dapetken kombali kasabarannja.
Ini soerat, jang ia simpen dalem kantongnja, telah dorong ia dengen mendadak kloear dari langit jang ka toedjoe, telah bangoenken. Ia dari impiannja jang beroentoeng.
Tatkala ia pikir, tida ada orang jang liat padanja, lantas ia kloearken itoe dan batja itoe dari awal sampe achirnja.
Clotilde maoe berdiam dalem roemahnja.
„Tida ! Tida !" kata Goud saorang diri. „Iroe tida bisa djadi. Itoe selamanja tida bisa kedjadian." Tapi, apa ia bisa bikin boeat tjegah itoe ? la tida ada liat barang satoe djalan boeat tjegah itoe.
Dalem pikiran ia Clotilde, bermoela sebagi anak prempoean jang tjantik, kemoedian sebagi istri jang tjinta pada soeaminja.
Ia liat Clotilde poenja moeka jang elok dan poetjet, alas mana bisa dibatja dengen njata ia poenja hati jang kasih sajang dan baek.
Ini anak prawan jang poetih bersih, jang sanget ditjinta oleh orang toeanja, ia telah bisa pantjing dan kawinin, kendati orang toeanja tida soeka.
Ia telah bawa ini anak jang masih bodo, ampir de-
