294
djaoe. „Kenapa sekarang kaoe maoe kasi akoe memikoel soesah, kenapa kaoe toelak akoe ? Kaoe koeatir, kaoe nanti bawa akoe dalem bahaja bahaja jang tjoema ada dalem pikiran sadja. . . . Ketahoeilah, Clotilde, bahoea akoe takoet tjoema boeat satoe perkara, jaitoe takoet bahoea akoe moesti berpisah dari kaoe. . . . sekalipoen akoe soesali, kaloe ada bersama sama dengen kaoe, itoe kasoesaan masih senang rasanja. Kenapa akoe tida bisa menikah sama kaoe?“
„Tida bisa," djawab Clotilde, “Akoe tetap djadi istrinja saorang pemboenoeh..... ia ada poenja hak hak atas dirikoe.“
„Apa kaoe maoe lagi idoep sama dia ?“
„Tida, tapi akoe tida bisa bikin ilang apa jang soeda terdjadi. Tangan jang berdarah dari itoe orang telah mengaso dalem tangankoe, itoe noda jang merah masi selaloe ada, tida bisa di tjoetji lagi, tida soeatoe apa bisa bikin ilang itoe noda.“
„Tempo adalah satoe tabib jang amat pande," kata Rogers. „Tempo nanti bikin orang djadi loepa pada apa jang soeda liwat dan akoe nanti tjinta padamoe. Tjoema nasib jang bagoes nanti terbit bagi kaoe djadilah istrikoe,“ ia memoehoen, „djadilah istrikoe jang tertjinta.“
„Akoe terlaloe sanget perhatiken kaoe poenja peroentoengan, sobatkoe, aken bisa gaboeng nasibkoe sama kaoe poenja nasib. Siapa tace kasedihan, jang ada teriket sama akoe poenja nasib. . . .“
„Kaoe poenja nasib ? Pergilah sama akoe ka New York, Idzinkenlah akoe bagi pengidoepankoe sama kaoe.
„“Ini ada satoe poetoesan jang sedikit keboeroe napsoe, poetoesan mana nanti bisa bikin kaoe djadi {{hws|me|menesal))
