298
Lama kelamaan la aken dapet masoek dalem itoe kamar dan tida ada satoe orang boeat menoeloeng padanja, tida ada satoe orang .... Lincoln tjoba boeka itoe pintoe dengen poekoelan dan tendangan.
„Kaoe ada di sini, akoe taoe!" ia bertreak seperti orang gila lantaran marahnja.,,Akoe nanti kasi pengadjaran pada kaoe, toenggoe sadja.“
Henriette lebih baek mati dari pada idoep. Dengkoelnja goemetar, pilingannja memoekoel keras. Roepanja ia soeda djadi loempoeh lantaran kaget.
„Akoe poenja tjamboek! Mana akoe poenja tjamboek?" itoe toean tanah bertreak. „Ha! kita nanti ketawa! Akoe nanti kasi ia dansa menoeroet kahendakkoe," katanja sambil pergi ..... la poenja ketawa seperti soeara binatang.
Ia nanti kombali dengen bawa tjamboek. Henriette soeda kenal ini pekakas jang hebat. Dan kaloe ia bikin petjah itoe pintoe .....
Dengen tangan disekap dan dengen soeara pelahan Henriette mentoehoen pertoeloengan. la denger tindakan keras. Lincoln kombali, ia boeniken tjamboeknja.
Henriette menangis. Tapi itoe waktoe matanja dapet liat djendela, la pergi ka sitoe, boeka itoe djendela dan melompat kloear.
Ia telah bisa lolos. Koetika itoe ia denger soeara amat keras. Soeaminja telah boeka pintoe dengen paksa. la boeroe masoek dalem itoe kamar. Dalem hati Henriette pikir, sasoeda tjari dengen sia sia dalem itoe kamar, Lincoln nanti dapet taoe ia soeda lari djalan djendela dan kedjar padanja.
Djadi, Henriette moesti tjari tempat jang slamat. Tapi, di mana!
Bahaja soeda mengantjem, Mendadak Lincoln ada
