32
ngen paksa dari roemah orang toeanja. Tatkala ia lakoeken ini tipoe, ia tjoema inget pada itoe anak poenja kakajaan, sama sekali ia tida inget pada ia poenja katjintaan.
la pertjaja, orang toeanja Clotilde lantaran terpaksa nanti trima ia sebagi achliwaris dari marika poenja oewang jang sanget banjak dan milik miliknja jang sanget besar.
Doegaan ini ada kliroe. Orang toeanja Clotilde tida maoe kasi maaf pada itoe pemboedjoek pada anaknja jang djadi korban dari itoe badjingan.
Demikianlah, lantaran harepannja ketjiwa, ia djadi tida perdoeli lagi dan kemoedian djadi bentji pada istrinja, jang tjinta padanja dengen sanget dan djoedjoer.
Pada soratee hari ia pergi, dengen tinggalken istrinja menanggoeng sengsara.
Pikiran pikiran ini timboel dalem kepalanja dan menggoda sanget pada itoe badjingar.
Sasampenja di Amerika, ia pake nama palsoe dan moelai poela ia poenja pakerdjaan badjingan. Sasoeda bisa dapet djalan boeat masoek dalem kalangan orang orang jang paling ternama, ia bikin satoe korban baroe boeat bisa poeasken ia poenja napsoe idoep makmoer dan senang.
Dari sebab moekanja loear biasa bagoes, maka ia telah bisa tarik tatinja anak premporan jang paling kaja dan paling disoeka dari seloeroeh New York, jaitoe poetri jang elok dari radja oewang Smith.
Soeda bebrapa boelan lamanja ia menikah sama ia poenja korban baroe, Marie Smith.
Sebagi mas kawin, Marie telah dapet dari ajahnja oewang bebrapa miljoen roepia dan saloe astana di mana ditontonken kemakmoeran besar.
