303
„Apa ia soeda bikin pada kaoe ?" tanja Henriette dengen berbisik.
„Kaoe nanti dapet denger semoea Akoe bersoempak aken tjernaken semoea, tapi aken moesti bitjara orang doea sadja sama kaoe.“
„Akoe mengarti, mari, ikoet sama akoe.“ Kemoedian, sembari oendjoeken satoe kamar ketjil, jang dilindoengken oleh satoe scherm, Henriette kata:
„Djalan teroes ini kamar, njonja Di blakang itoe kaoe nanti dapetken satoe kamar dan satoe tempat tidoer. Segala apa jang kaoe perloe akue nanti anterken sendiri dan besok kita boleh mengomong.“
„Clotilde dan Rogers teroetama tida boleh taoe, akoe ada di sini. Inilah ada fatsal jang paling penting."
„Kaoe boleh pertjaja padakoe, djawab Henriette. Ia anterken itoe prempoean sampe di kamar ketjil, jang diperabotin dengen saderhana, tapi tampe tjoekoep.
„Di sitoe kaoe slamat," katanja... „Tida satoe orang aken bisa doega kaoe ada di sitoe“
„Trima kasi. Akoe liat, kita mengarti satoe sama laen. Apa tida betoel begitoe ?“
Sedeng Henriette dengen pelahan berlaloe dari itoe kamar, ketawa menjindir kadengeran dari bibirnja itoe prempoean asing.
———————
