306
tanda. Menoeroet pikirankoe, ia telah kirim ini prempoean kemari boeat menjoeloeh. la sendiri ada di deket sini, sedia aken dateng apabila dikasi tanda. Akoe pertjaja begini."
„Kita nanti bisa dapet tangkep marika,“ kata Rogers. „Tapi, di sitoe djoestroe ada njonja roemah."
Rogers, bitjara padanja.
Henriette mengawasi dengen heran pada itoe doea orang lelaki jang baroe dateng.
„Kaoe taoe, njonja Lincoln, kemaren kita soeda tjeritaken, politie lagi jari saorang nama Vieuxiemps. Sekarang ini doea orang telah dapet tanda tandanja itoe bangsat Marika kata, saorang prempoean jang bernama Astrella dan memake koedoeng biroe. . .“
Henriette tjoba kenalin moekanja itoe doea orang. Bagimana marika bisa taoe itoe prempoean?
„ . . . . telah pergi kemari, di mana ia masi ada," Regers te oesken bitjaranja, „Ini orang ada saorang berbahaja dan djahat. Djawablah: Apa kemaren ada saorang lelaki atawa saorang prempoean dateng di sini ?“
Henriette inget pada resia jang itoe prempoean asing aken tjeritaken padanja
„Tida, toean toean, akoe tida ada liat barang satoe orang," djawabnja dengen belaga bodo.
„Kaoe liat," kata Rogers, „akoe tadi soeda bilang, kaoe soeda kliroe, sobat sobat.“
Nell dan ia poenja kawan memandang satoe sama laen. Marika taoe apa maksoednja itoe perkataan perkataan dari Rogers.
„Tida bisa djadi," kata Nell, „“itoe nona moesti ada disini Kita aken tjari.“
Henriette tida bisa tahan sabarnja lebih lama lagi
