307
„Ini ada satne pemboernean pada manoesia", katanja, „pakerdjaan boesoek sekali."
Koetika itoe dateng Lincoln.
Roepanja ini toean tanah djoega tida terlaloe girang sama kedatengannja itoe doea orang.
„Toean Lincoln," kata Bernard, „apa kaoe kabetoelan ada ketemoe saorang, jang bawa satoe koffer ketjil dari koelit koening, diikoet oleh satoe njonja pake koedoeng biroe?"
Itoe toean tanah toeroen dari koedanja.
„Kita maksedken itoe Vieuxtemps, tentang siapa kemaren akoe ada tjeritaken padamoe," Rogers samboeng itoe perlanjaan.
„Ia pasti ada di deket sini," kata Nell. Itoe toean tanah mendjawab:
„Kaoe kliroe, akoe tida ada ketemoeken saorang asing atawa saorang jang bisa mentjoerigaken."
„Persetan! marika toch tida bisa mengilang," kata Nell. „Kaoe tida bisa bikin akoe djadi tida pertjaja, bahoea marika ada disini."
Akoe toeh bisa taoe kaloe marika ada disini ?" djawab Lincoln Akoe djadi eigenaar dari ini roemah. Tapi di itoe roemah samping kaoe boleh preksa semoea, sebab di roemah besar marika tida ada Bernard kasi tanda pada itoe doea orang politie.
„Poera poera kaoe berlaloe dari sini," katanja pada marika dengen pelahan. „Di waktoe malem kaoe kombali disini Kaloe akoe tida kliroe, ini njonja toean tanah ada semboeniken satoe resia".
Itoe doea agent politie naek koedanja.
„Djadi kita aken tjari di laen," kata marika dan kemoedian pergi.
Rogers hampirken pada Bernard.
