308
"Ini malem kita aken brangkat," katanja pada itoe inspecteur. "Soeda pasti Vieuxtemps ada di deket sini. Brangkali sigra sasoeda kita pergi, ia aken dateng pada istrinja".
"Ini ada satoe maksoed jang soeda diatoer lebih doeloe,” djawab Bernard.
Rogers pergi ka istal dan kasi taoe pada Lincoln, bahoea ia hendak pergi sambil oetjapken trima kasi boeat ia poenja kemoerahan hati. Kemoedian ia kasi persen pada koesir seraja minia aken siapken koeda koedarja manti sore.
Marika semoea makan bersama sama dalem kamar besar dan pamitan dari Henriette.
Ini njonja roepanja sanget sedih lantaran ini brangkatan jang terboeroe boeroe. Dengen tjepet ia pergi pada Astrelia.
"Itoe kolonel maoe pergi," katanja pada itoe nona dan soeara, dengen mana ia oetjapken itoe perkataan perkataan, menandaken ia amat kepoetoesan harepan.
ltoe prempoean ketawa dengen setjara menjindir, sebagimana biasanja.
"Sabar toch, sobatkoe," katanja. Sabegitoe lama Clotilde ada disini, kaoe tida oesah takoet, kaijintaannja pergi dari sini. Ia nanti dateng lagi disini."
"Orang tjari pada kaoe, doea agent politie telah dapet taoe kaoe poenja djalan.”
"Tapi kaoe toch tida aken kasi taoe akoe ada di sini," djawab itoe nona. "Dan boeat oendjoekan trima kasikoe padamoe, akoe nanti tjeritaken satoe resia, dengen mana kaoe bisa bikin itoe kolonel djatoh dalem kakoeasaanmoe"
Henriette madjoe lebih deket.
"Bilanglah lantas," katanja.
