309
"Dengen satoe perdjandjian, jaitoe kaoe aken semboeniken akoe, hingga marika tida aken ketemoekan akoe"
"Kaoe boleh pertjaja. Sekarang, tjeritakenlah. Lekas, lekas."
"Akoe nanti kasi padamoe kakoeasaan, soepaja kaoe bisa pisaken Rogers boeat selama lamanja dari Clotilde. Tjoema kaoe moesti toeroet akoe poenja titah titah."
"Apa toch kaoe maksoedken?"
"Gampang sadja."
"Bagimana ?"
"Itoe kolonel tida boleh kembali kemari dan ketemoeken poela ini prempoean."
"Betoel, tapi bagimana bisa dibikin begitoe ?"
"Pergilah ka oetan, tjoba dapetken tempo dan kasilah akoe bekerdja."
"Dan itoe resia, jang kaoe maoe tjeritaken ?"
"Kaloe soeda sampe temponja, kaoe nanti dapet denger semoea. Dengerlah sekarang baek baek. Ini prempooan ada bawa satoe anak."
"Ja, satoe anak prempoean oemoer ampat taon," kata Henriette.
"Ia lebih tjinta sama itoe anak dari sama djiwanja," kata itoe nona pake koedoeng biroe lagi. "Di mana ada itoe anak, di sitoe aken ada djoega iboenja. Djadi reboetlah anak dan Clotilde nanti djatoh dalem kekoeasaanmoe."
"Ini perkara boekan gampang. Ia djaga betoel itoe anak. Tida satoe saat ia tinggalken itoe anak."
"Memang djoega ini ada perkara paling soesa. Goenakenlah saat jang ia pergi dari itoe roemah. Sakombalinja di itoe roemah, ia tentoe aken tjari itoe
