310
anak. Kaloe itoe anak soeda tida ada, apa ia perdoeli sama Rogers? Demikian kita poenja akal djadi berhasil. Kaoe djadi pisahken itoe doea orang dari satoe sama laen.“
„Akoe nanti bikin begitoe,“ djawat Henriette. Melaenkan soepaja bisa dapetken itoe orang laki. Melaenkan lantaran itoe.
„Djangan diloepa, dengen itoe kaoe djadi membales djoega pada itoe prempoean jang saombong.“
„Akoe bentji padanja,“ kata Henriette.
„Atoerlah begitoe roepa, hingga Rogers besok pagi, sakombali ia di sini, tida dapetken lagi ia poenja katjintaan.“
„Akoe nanti berdaja sabisanja. Akoe nanti oesir ia dari sini.“
„Djangan begitoe,“ kata itoe prempoean jang pake koedoeng. „Dengen berlakoe begitoe, kaoe djadi tida madjoe barang setapak. Sebaliknja, segala apa nanti berdaja boeat kasi bantoean dan toendjangan pada ia poenja Clotilde..... Dengen bitjarakoe baek baek. Ia moesti brangkat ini malem dari sini. Kaoe bisa.....“
„Dan itoe resia?“ tanja Henriette.
„Kita soeda deket sampe di sitoe. Rampas itoe anak, kamoedian bawa ia sampe di moeloet oetan. Di sitoe kaoe nanti ketemoeken ia saorang, jang kaoe boleh pertjaja.“
„Ada satoe perdjalanan djaoe aken sampe di oetan. Itoe anak bisa bertreak.“
„Ada nanti ambil atoeran atoeran. Marilah kita andeken kaoe sampe di roemah jang katiga. Di sitoe kaoe nanti dapetken saorang lelaki, pada siapa kaoe aken serahken itoe anak. Selaennja itoe akoe nanti oeroes sendiri.“
„Kaoe pertjaja, tjara begini akoe nanti terlepas dari
