311
itoe prempoean jang akoe bentji?“
„Tentoe. Ia nanti boeroe boeroe tjari anaknja. Tjara begitoe kaoe nanti terlepas dari satoe saingan jang berbahaja, jang djadi halangan bagi kaoe poenja kabroentoengan.“
Henriette berpikir bebrapa saat laanja. Pikiran pikiran jang koesoet timboel dalem kepalanja. Rasa menesal..... rasa kasian.....
Tapi rasa tjinta achirnja beroleh kamenangan.
„Akoe nanti berlakoe begitoe,“ katanja dengen soeara pelahan. „Ini malem djoega itoe anak aken ada dalem tangakoe, akoe nanti serahken ia pada orang laki jang menoenggoe di roemah katiga.“
„Teroetama djangan loepa oetjapken perkataan boeat tanda perkenalan,“ itoe prempoean asing bitjara lagi.
„Bagimana boenjinja itoe perkataan?“
„Katjintaan jang tjilaka.“
„Akoe nanti inget.“
Itow prempoean jang pake koedoeng biroe angsoerken tangannja pada Henriette, tapi ia ini soeda pergi dengen hati jang tida tentoe. Ia rasa seperti tida aken dateng hari malem. Astrella liat Henriette pergi dan denger ia oelangken dengen separo njaring:
„Katjintaan jang tjilaka. Katjintaan jang tjilaka.“
Astrella tida bisa tahan ketawanja lantaran senang.
