33
Lantaran itoe ia djadi saorang jang terkenal dalem golongan orang orang New York jang paling ternama dan sebagi istri ia dapet satoe prempoean moeda dan tjantik, jang sanget tjinta padanja.
Itoe semoea ia telah dapetken lantaran romannja jang tjakep.
Tida satoe orang bisa tida ketarik hatinja oleh ia poenja roman jang tjakep dan adat istiadatnja jang aloes.
Di Amerika ia djadi apa jang ia di mana mana telah djadi, jaitoe djadi orang jang disoeka oleh segala orang prempoean.
Dan ini semoea sekarang mendadak aken brenti.
la poenja bitjara djoesta aken diketahoei orang, dari ia poenja tempat jang tinggi ia aken dibanting ka tanah dan brangkali djoega aken dilempar dalem pendjara lantaran ia mempoenjai doea istri.
Itoelah tida boleh kedjadian, tida boleh, maskipoen djiwanja aken moesti melajang... Seloeroeh toeboehnja goemetar. Satoe pikiran hebat menggoda otaknja.
Sasaat lamanja ia merasa maloe pada dirinja. Djadi ia aken djadi pemb...
la tida brani abisken itoe perkataan... Apa tida lebih baek, kaloe ia loeloesken kainginanuja Clotilde dan trima ia dalem roemahnja?
Pikiran ini bikin ia djadi takoet. Doea istri dikoempoel dalem satoe roemak. Tapi, djoestroe tjara begini,Clotilde aken ada dalem kakoeasaannja dan ia aken bisa bikin sama ini premposan sebagimana ia soeka. Pikiran ini bikin matanja djadi menjala.
la tida berajal lagi la aken boedjoek istrinja, jaitoe istrinja jang kadoea, aken kasi pakerdjaan pada itoe prempoean tjilaka, jang ia soeda tipoe dan tinggalken...
